Skip to Contents


Home > Impormasyon ng Kumpanya > Mensahe mula sa CEO

Mensahe mula sa CEO

President at CEO ng THK, Akihiro Teramachi


Naghahangad ng Higit na Corporate Value

Bilang isang kumpanyang nakatuon sa pagkamalikhain at development, gumagamit ang THK ng orihinal na teknolohiya at mga malikhaing ideya upang magbigay ng mga natatangi at bagong mekanismo. Ang paraang ito, na sinusuportahan ng tuluy-tuloy na pananaliksik at development, ay bumubuo sa base ng operasyon ng THK. Ang aming corporate na pilosopiya ay "pagbibigay ng mga makabagong produkto sa mundo at pagbuo ng mga bagong trend na makakaambag sa paglikha ng isang masaganang lipunan." Itutuloy ng THK ang umiiral na paghangad nito ng pagbabago, nang sa gayon ay makaambag sa pag-unlad ng lahat ng stakeholder nito.

Sa pagkamit ng isang milestone ng paglago na 300 bilyong yen na pinagsama-samang benta, pinapalawak ng THK ang saklaw ng mga aktibidad na pannegosyo nito sa pamamagitan ng ganap na globalization at ang development ng mga bagong uri ng negosyo.

Kinakailangan ng ganap na globalization ang pagpapatayo ng mga planta at opisina sa apat na itinalagang zone: Japan, the Americas, Europe, at Asia. Alinsunod sa kaisipang ang lugar kung saan may demand ay ang pinakamainam na lugar para sa produksyon, mabilis kaming nagtaguyod ng mga base ng produksyon sa ibayong dagat. Nagdaragdag din kami ng higit pang mga lokasyon ng pagbebenta. Nitong mga nakaraang taon, pinabuti namin ang aming mga network ng pagbebenta sa mga lokasyong gaya ng merkado ng China, kung saan inaasahan ang paglago sa hinaharap, na nagbibigay-daan sa aming mabilis at tumpak na makapagbigay ng mga produkto saanman kinakailangan ang mga iyon.

Ang development ng mga bagong uri ng negosyo ay kinabibilangan ng pagpapalawak ng aming mga business opportuniy patungo sa mga umuusbong na bagong larangan. Ang FAI Division, na may kaugnayan sa mga component ng kotse, ay nagpapabilis sa development ng mga electronics device na nauugnay sa mga kotse. Samantala, nagiging mas kilala ang mga seismic isolation device bilang mabisang pananggalang laban sa mga lindol. Sa gitna ng umiigting na interes ng publiko, ang ACE Division ng THK, na humahawak sa aming mga seismic-isolation device, ay nagsusumikap na pataasin ang demand sa larangan ng mga bahay na pang-isahang pamilya. Dagdag pa rito, nagsusumikap ang IMT Division sa pagpapalawak ng aming negosyo ng mga unit na produkto at device, pati na rin ng aming negosyo ng electric actuator, kung saan hinuhulaang lalago ang merkado nito sa hinarap.

Pagkatapos ng pagbagsak ng Lehman Brothers, naging malinaw na magiging puwersa sa likod ng pandaigdigang ekonomiya ang paglago ng ekonomiya sa mga bansang umuunlad, at lalo na sa China. Naniniwala akong ang demand para sa makinarya sa mga rehiyong iyon ay nakatakdang lumaki talaga sa mga darating na taon. Gayundin, dahil ang mga pagbabawas sa CO2 ay sanhi naman talaga ng mga sumisiglang pagkilos na protektahan ang kapaligiran ng daigdig, inaasahang magkakaroon ng pag-unlad sa electrification sa iba't ibang larangan upang pag-ibayuhin ang katipiran sa enerhiya. Ang pagtaas ng demand para sa makinarya sa mga bansang umuunlad at ang pag-unlad sa electrification ay lubasang makapagpapalawak ng demand para sa aming mga produkto.

Papabilisin ng THK ang ganap na globalization at ang development ng mga bagong uri ng negosyo upang gawing paglago ang mga bagong kaganapang ito, habang hinahangad na lalo pang palakihin ang kita at nagsusumikap na madagdagan ang aming corporate value.

Akihiro Teramachi
President at CEO
THK CO., LTD.


Mga Prinsipyo ng Pamamahala

Pagbibigay ng mga makabagong produkto sa mundo at pagbuo ng mga bagong trend na makakaambag sa paglikha ng isang masaganang lipunan.